Fimm hlutir sem gleðja mig

1. Tilhugsunin um að við séum að fara til Key West um helgina. Víjj! Þó það sé langt að keyra þangað þá er akstursleiðin svo ótrúlega mögnuð og falleg að mér er alveg sama. Við eigum bókað herbergi á sama krúttulega gistihúsinu og við gistum á í fyrra (sjá meðfylgjandi mynd) sem er á næsta horni við Duval Street. Bónus verður að Bjössi bróðir verður með! Ég get ekki beðið!

2. Sú staðreynd að það styttist í Íslandsferð. Mikið afskaplega verður gaman að koma heim og hitta alla og mikið afskaplega verður gott að sleppa frá öllum flugnabitum og þrumuveðri.

3. Jarðarberin sem eru núna “in season” hérna og eru stærri, rauðari, safaríkari og bragðbetri en nokkur jarðarber sem ég hef smakkað. Það má mögulega búast við nokkrum jarðarberjafærslum á næstunni.

4. Talandi um jarðarber þá finnst mér þessi jarðarberja- og kókosmargaríta vera girnilegri en flest annað. Margarítuást mín á sér engin takmörk!

5. Úrslitin í The Voice verða tilkynnt í kvöld (já ég er sökker fyrir svona þáttum) og Of Monsters And Men verða í Late Night With Jimmy Fallon í kvöld. Það lítur út fyrir að við munum eyða kvöldinu fyrir framan sjónvarpið :)